Vhong mum on his love life

PNS — Tikom ang bibig ng comedian-host- actor na si Vhong Navarro, kahit na ilang ulit siyang tinanong ng staff ng The Buzz ukol sa umano’y relasyon nila ng aktres na si Desiree del Valle.

Sa presscon na ginanap kahapon, August 3, para sa bagong endorsement ni Vhong, sa 9501 Restaurant, ABS-CBN compound, pilit na inililihis ni Vhong ang kanyang sagot upang makaiwas sa mga tanong tungkol sa kanila ni Desiree del Valle.

Unang tinanong kay Vhong�ay kung happy ba siya sa relasyon nila ni Desiree.�Malayo ang naging sagot ng aktor. Pabirong hirit niya, “Happy ako sa commercial ko with Enervon dahil matagal ko nang pangarap ito.”

Sumunod naman ay tinanong kung kumusta na ang kanyang love life at ang sagot ng komedyante ay, “Ako ngayon ay masaya dahil maraming trabaho, maraming projects, so maraming projects.”

At sa huling pagtatangkang makakuha ng diretsang sagot, tinanong ng staff ng The Buzz kung paano magmahal si Desiree. Sa halip na sagutin ay inilarawan ni Vhong ang kanyang relasyon sa kanyang mga anak sa kabila ng kanyang pagkaabala sa trabaho.

Aniya, “Kumbaga mapagmahal ako sa mga anak ko talaga so every weekend lagi kaming nagsasama, nagma-malling kami, nanonood kami ng sine. Bihira ko na nga lang sila makita so kapag may pagkakataon na makakasingit o talagang ito ang panahon na talagang pahinga ko, kasama ko talaga sila.”

Sa bandang huli, ipinaliwanag ni Vhong na ayaw na muna niyang magsalita tungkol sa kaniyang love life dahil kasalukuyang tumatakbo pa ang kanyang annulment case sa dating asawa na si Bianca Lapus.

At nang tanungin kung may balak ba siyang magpakasal muli kung sakaling mapawalang-bisa ang kasal niya kay Bianca, hindi tiyak ang naging sagot ni Vhong.

Paliwanag niya, “Siguro sa ngayon hindi ko pa masasabi ang kasal kasi ongoing nga ang annulment ko. Parang siguro after my annulment, maayos na, matatapos na, siguro gusto ko muna ng kahit papaano, e… Hindi ko sinasabing i-enjoy ‘yung freedom, di ba, ang ibig [sabihin] lang ay huwag muna.

“Ang pagpapakasal kasi ay hindi na biro yan dahil ako, galing na ako diyan. As long as mahal mo iyong tao, nandiyan siya, maaayos iyon, mapaghahandaan. Kasi bihira lang mangyari sa buhay mo iyon, dapat mapaghandaan. Kumbaga, engrande iyon, engrande.”

Bukod sa bagong endorsement, regular na makikita na si Vhong sa darating na Setyembre para telefantasyang Lastikman. May balita rin na maaaring muling ibalik ang kaniyang show sa Studio 23 na Wazzup, Wazzup.