Tambalang Zanjoe at Cristine, hindi papahuli kina Rafael at Denise

Kasing-init ng mga eksena sa “Martha Cecilia’s Kristine” ang naging pagtanggap ng sambayanan sa programa nang ipalabas ito sa The Filpino Channel (TFC) noong nakaraang linggo.

Humataw ng 18.6 percent ang pilot episode ng programa nina Zanjoe Marudo, Cristine Reyes, Rafael Rosell, at Denise Laurel kumpara sa 9.6 percent ng kalabang programa ayon sa nationwide survey ng Kantar Media/TNS.

“Lahat sila nagandahan, maganda raw yung story, maganda raw yung acting. Sabi ng mga friends ko kaabang-abang siya at nakakabitin,” sambit ni Cristine.

Patuloy namang lumalakas ang rating ng ‘Kristine’ dahil na rin sa ganda ng kuwento, ng mga mga eksena, at pag-arte ng mga bida sa direksyon ng batikang director na si Rory Quintos.

Una nang nagdala ng kilig at sabik ang tambalang Marco at Emerald, na ginagampananan ng most sensual on-screen sweethearts na sina Rafael at Denise. Kasalukuyang bihag ni Marco si Emerald na naligaw sa kanilang lupain. Dugo man ng mortal na kaaway ang nananalaytay sa kanila tila hindi mapigilan ng dalawa ang mahumaling sa isa’t isa.

Hindi naman daw patatalo ang Prince of Passion na si Zanjoe at ang Jewel of Romance na si Cristine, na gaganap na Jaime Reyes at Jewel Fortalejo.

“Feeling ko naman, magugustuhan ng tao yung tandem namin ni Cristine. Iba ang atake namin ni Cristine sa mga characters namin. Kung sina Marco at Emerald eh medyo intense na seryoso, kami cute na makulit,” ani Zanjoe.

Masasaksihan na ang kapana-panabik na pagkikita ni Jaime at Jewel ngayong linggo sa pagdating nilang dalawa sa Paso de Blas. Si Jaime ay babalik upang tulungan ang mga De Silva na pinagkakautangan niya ng loob, samanatalang si Jewel naman ay susunod sa ate n’yang si Emerald.

Pangako nina Cristine at Zanjoe na lalo pang maaakit ang mga tagapanood sa nakakapanabik na mala-‘Romeo and Juliet’ na kuwento ng ‘Kristine.’ Abangan ang maiinit na eksena at makapigil-hiningang mga kaganapan sa “Martha Cecilia’s Kristine” sa pinakamainit na himpilan para sa sambayanang Pilipino — TFC.

Sumali rin sa opisyal na Martha Cecilia Kristine fanpage sa facebook na matatagpuan sa www.facebook.com/phrpresents o sa twitter @PHR_kristine para sa pinakasariwang balita tungkol sa pinakamalaking teleserye ng taon.