May death threats kay Mayor Vi

Kinompirma ni Mayor Vi na nakatanggap siya at ang kanyang asawa na si Senador Ralph Recto ng mga death

		Vilma Santos

threats na nagsaad na may inutusan sa National Penitentiary (Muntinlupa) para i-liquidate silang mag-asawa. Yun ang dahilan kung bakit lie low muna siya sa kanyang mga commitments habang inimbestigahan ng Criminal Investigation and Detention Group (CIDG) ito. As of presstime, hindi malaman kung sino ang may pakana nito at kung ano ang dahilan pero may mga haka-haka na konektado raw ito sa shabu laboratory sa Lipa na pina-raid ni Mayor Vi kamakailan. Pwede rin daw na politically-motivated ito dahil nakatanggap na rin siya ng death threats simula pa nung una siyang umupo as mayor ng Lipa. Sinabi rin ni Mayor Vi na parang may "hate campaign" din laban sa kanya at sa kanyang pamilya dahil maraming lumabas na tsismis na kesyo mayroong dalawang anak sa labas si Ralph, na girlfriend daw nito si "Gracia" (commercial model ng PLDT), na na hiwalay na raw silang mag-asawa, na lover daw niya ang Vice Mayor niya na si Boy Mangera, at ang pinakahuli, na inaayos na raw nito ang kanyang mga gamit sa opisina dahil mag-re-resign na raw ito. Lahat ito ay pinabulaan ni Mayor Vi. Maligaya raw sila ni Ralph at wala raw siyang balak na mag-resign dahil hindi raw siya tatalikod sa tungkulin niya bilang Mayor ng mga Lipenos.

Sino ang tunay na Ina ni Matet?

	Matet de Leon

Nasa gitna ng kontrobersiya si Matet de Leon ngayon dahil lumalabas na dalawa ang babae na nagke-claim na sila raw ang biological mother ng adopted daughter ni Nora Aunor. Isa rito ay si Celia Villanueva-Bocabe na malaki raw ang pagkakahawig kay Matet sa hugis ng mukha, mata at kilay. Si Celia ay kilala bilang "Reyna ng Mabini" nung kabataan niya. Ayon sa kwento niya sa isang showbiz talkshow, German daw ang ama ni Matet at "ang marka ng pusod na pumulupot sa braso" ng bata na isinilang niya ang kanyang palatandaan. Walang pinanghahawakang katibayan ni Celia maliban sa mga sinabi nito pero willing daw siya na magpa-DNA Parentage Analysis. Lumantad na rin ang sinasabing German national na si Dieter G na nagpahayag na siya raw ang ama ni Matet. Kahit matagal na hindi nagkita si Dieter at Celia, parehong-pareho ang kanilang kwento tungkol sa kanilang love affair. Katulad ni Celia, wala raw balak si Dieter na bawiin si Matet. Gusto lang raw nito na makilala ng personal ang "anak". Willing din ito magpa-DNA Test.

Samantala, isang Baby Paz ng Olongapo City naman ang nagsabi na kilala raw niya ang tunay na ina ni Matet. Kasama raw siya nang dalhin si Matet sa bahay ni Nora noong 1983. Walang katotohanan daw ang lahat ng pinagsasabi ni Celia.

Sa kabila ng mga naglalabasang intriga, hindi pa handa si Matet na harapin ang alin man sa mga babaeng nag-ke-claim na ina niya. Hindi raw niya alam ang gagawin niya at kung ano ang magiging reaksiyon niya. Haharapin niya raw ang sitwasyon pag handa na raw siya.

Page 1 2 3

AVAIL OF OUR VERY SPECIAL PROMO FOR ONLINE ADVERTISEMENTS

THIS SPACE CAN BE YOURS!

For more details, CLICK HERE.