Mga bago sa showbiz!!!
 |
|
Lucky Manzano
|
Si Luis Phillip Manzano, anak ni Vilma Santos at Edu Manzano
na mas kilala bilang “Lucky”, ang pinakabagong image
model ngayon ng “Bench” (kung matatandaan niyo pa,
ang sister company ng “Bench” na “Human”
ang naglunsad din ng career ni KC Concepcion (anak ni Sharon
Cuneta at Gabby Concepcion) bilang modelo).
Matagal na rin itong nililigawan na pasukin ang mundo ng
showbiz pero ngayon lang siya pumayag dahil gusto raw ni Edu
ang i-enjoy niya muna ang pribadong buhay at asikasuhin nito
ang kanyang pag-aaral. Sa ngayon ay hobby lang daw muna ang
pagpasok niya sa showbiz.
Inilunsad na rin ang career ng pinakabagong “Crush ng
Bayan”. Ito ay si Richard Gutierrez, nakakabatang kapatid
ni Ruffa na may kakambal na si Raymond. Sa ngayon pa lang
ay sinasabing malakas daw ang dating ni Richard sa teen-oriented
show ng GMA 7 na “Click” at sa teleseryeng “Ikaw
lang ang Mamahalin” dahil sa angking kagwapuhan nito.
Kung tutuusin ay hindi masasabing baguhan si Richard sa showbiz
dahil sa murang edad na tatlong taong gulang ay lumabas na
ito sa pelikulang “Lahing Pikutin” kasama ang kakambal
nito, ang amang si Eddie Gutierrez at ang ate nitong si Ruffa.
Bago ito pumunta sa States para mag-aral ay nakasali ito sa
anim na pelikula at naging model sila ni Raymond ng Nestle
Twin (milk).
Asahan nating sisikat ng husto itong si Richard. Siya ay
nakapirma ng two-year build-up contract sa GMA 7.
Ang isa pang baguhan sa showbiz ay si Geryk Genaskey, apo
ni Rudy Genaskey na tinaguring Tom Jones of the Philippines
nung dekada ‘70.
Kahit bago ay kilala ngayon si Geryk bilang bf ni Isabel
Granada.
Samantala, hindi man baguhang artista ang nasasangkot ay
siguradong pag-uusapan ang mukhang umuusong trend na “butt
exposures” sa pelikula. Isa rito ay ang “Ang Kilabot
at ang Kembot” na pinagbibidahan nina Bong Revilla at
Assunta de Rossi. Ngayon lang daw naging ganito ka-daring
si Bong. Aniya, “for a change, and for the experience”.
Ang singer-composer na si Niño Alejandro (pinsan ni
Rachel Alejandro) ay magpapakita rin sa unang pelikula nitong
“Mama San” kung saan kapareha niya si Raven Villanueva.
Sino pa kaya sa ating mga artistang kalalakihan ang magiging
kasing-daring nina Bong at Niño? At ano na naman kaya
ang magiging uso sa susunod? Abangan!
Back to top
|
