Richard Gomez, showbiz talkshow host na!
 Dahil
expired na ang kontrata niya sa ABS-CBN at wala namang klaro
na plano ang network sa kanya matapos tanggalin sa ere ang
mga show niyang “Your Honor” at “Richard Loves
Lucy”, minabuti ni Richard Gomez na tanggapin ang offer
ng GMA 7 na maging talkshow host ng S-Files kasama si Janice
de Belen at Paolo Bediones.
“Dream come true” daw ito para kay Goma. Matagal
niya na raw gustong maging host ng isang showbiz o political
talkshow. Ang kanyang mga “dream interviews” ay
sina Kris Aquino (gusto niya raw malaman kung bahit tahimik
ang buhay ngayon ni Kris), Pres. Gloria Macapagal-Arroyo (itatanong
niya raw kung ano talaga ang mga plano nito sa bansa at kung
paano niya hinaharap ang mga “allies” niya na tumalikod
sa kanya) at ang dating Pangulong Erap (marami raw siyang
gustong itanong dito).
Hindi lang sa S-Files makikita si Goma. Magkakaroon na rin
siya ng isang drama show. Dahil sa paglipat ni Goma sa kabilang
istasyon ay balitang ina-asikaso ngayon ng ABS-CBN ang mga
kontrata nito sa ilang malalaking bituin katulad ni Aga Muhlach.
Mukhang ayaw na nilang maulit ang pangyayari na ito.
Geneva at KC: hiwalay na!
Hindi man nila lantarang inamin sa publiko na naging sila
ay balitang nag-split up na sina Geneva Cruz at si KC Montero.
Tinawagan daw ni KC si Geneva para makipaghiwalay at naging
hysterical umano si Geneva. Dahil walang kompirmasyon kung
ano talaga ang naging relasyon nilang dalawa ay hindi rin
kataka-taka kung walang magsasalita sa kanila tungkol sa balitang
ito.
Gayunpaman, sa dalawa (o tatlo?) taong nagkasama sila ay
naging laman din ng pahayagan at telebisyon ang mga kontrobersiyal
na insidenteng kinasangkutan nila katulad ng: pag-away nila
sa isang party kung saan nagselos si Geneva nang may nakipag-flirt
kay KC; pagpunta ni Geneva sa US nung Christmas dahil buntis
umano ito (nagpahayag pa siya noon na hanggang April 2002
daw siya doon kaya malakas ang ugong na totoo nga ang tsismis);
at ang pinakabago ay yung nag-miscarriage daw siya sa US kung
kaya napa-aga ang balik niya sa Pilipinas.
As of presstime ay ayaw pa rin ni Geneva o KC na magsalita
tungkol sa issue. Wala mang kompirmasyon galing sa kanila
ay naniniwala ang publiko na lalabas rin ang katotohanan sa
huli. Ika nga, “pag may usok, may apoy”.
Back to top
|
