|
International exposures para sa Pinoy artists
 |
|
Lea Salonga
|
Matapos ang matagumpay na pagtanghal ng “Flower Drum
Song” sa Los Angeles kung saan bida si Lea Salonga ay
ipapalabas naman ito sa Broadway nitong October. Malakas ang
ugong-ugong na baka ma-nominate uli si Lea bilang best actress
sa susunod na Tony Awards (katumbas ito ng “Oscar”
at “Grammy” Awards sa larangan ng entablado). Dati
nang nanalo si Lea ng best actress para sa “Miss Saigon”.
Ang pelikulang “Batang Westside” ni Lav Diaz ay
nagkamit ng Best Picture Award kamakailan sa Singapore International
Film Festival.
Nanalo naman ng Gold Medal Award ang “Tuhog” ni
Jeffrey Jeturian sa Houston International Film Festival.
Na-release na sa Singapore ang album ni Gary Valenciano “I
Will Be Here”. Sa mga susunod na buwan ay ilulunsad na
rin ito sa Thailand, Malaysia, Indonesia, Hongkong at Taiwan.
Kagagaling lang ni Gary sa Germany bilang Asian representative
ng Sennheiser sa Distributor’s Night nito. Ang Sennheiser
ay isang leading German manufacturer ng microphones at napili
nila si Gary bilang unang singer sa mundo na naka-stamp ang
pirma nito sa Sennheiser microphone.
Senado, tutulong sa paglikha ng world-class movies
Nagpasa ng panukalang batas (Senate Bill No. 2049) si Senate
President Manny Villar na ilikha ang isang Film Development
Council of the Philippines (FDCP) na mangangasiwa sa pagkilatis
at pagbigay ng insentibo sa mga de-kalidad na mga pelikula.
Nakasaad sa panukala na ibabalik ang 100% amusement tax sa
pelikulang ikaklasipikang “A”. Ibig sabihin nito
ay nakaabot sa mga itinakdang artistic at technical requirements
ang nasabing pelikula. Pag “B” naman, 65% ang ibabalik
na amusement tax.
Naniniwala si Villar na mahihikayat na gumawa ng mataas na
kalidad na mga pelikula ang producers dahil sa insentibo na
ito. Gusto niyang maihanay ang mga pelikulang Pilipino sa
mga likha ng mga pinakamahusay na filmmakers sa mundo.
Back to top
|
