|
Jolina Magdangal, hindi
nagrenew ng contract sa ABS-CBN
 |
|
Jolina Magdangal
|
Iniintriga ngayon ang hindi pag-renew ng eksklusibong kontrata
ni Jolina Magdangal sa ABS-CBN. Balitang imbes na malungkot
ay natuwa pa ang network sa desisyon na ito dahil na rin sa
mga “demands” ng ama nitong si Jun Magdangal na
siya ring manager ni Jolina. Ayon naman kay Jun Magdangal,
“exposure-wise, she deserves better.” Hindi naman
daw tinupad ng network ang mga kahilingan nitong pangalagaan
ng husto ang career ng anak kaya minabuti nilang huwag pumirma
ng kontrata para makapaggawa rin ng pelikula si Jolina sa
ibang movie outfits.
Movie bill, aprubado na ng Kongreso
at Senado
Inapruba kamakailan sa isang bicameral conference ng mga
representatibo ng Kongreso at Senado ang tinatawag na Movie
Bill. Ang final version nito ay ipapasa kay Presidente Gloria
Macapagal-Arroyo para aprubahan nito bago ito magiging batas
at malatha sa isang opisyal na publikasyon.
Sa pamamagitan ng Movie Bill na ito na pinaghalong Senate
Bill No. 2049 at House Bill No. 4644 ay ililikha ang Film
Development Council of the Philippines (FDCP) na magpapalit
sa FILMBOARD (Filipino Motion Pictures Development Board).
Gagamitin ng FDCP ang pondo nito para ma-improve ang training
ng mga film workers at maangat ang industry standards at audience
expectations. Bibigyan rin nito ng gantimpala ang mga dekalidad
na produksiyon na nag-pro-promote ng mga positive values.
Isa pang itatatag ng Movie Bill ay ang Cinema Evaluation Board
na magpapalit sa Film Ratings Board (FRB). Ito ang kikilatis
sa grado ng mga pelikulang ipapalabas.
Kris Aquino, nililigawan ni Mayor Joey
Marquez?
 |
|
Kris Aquino
|
Nang una silang makitang magkasama sa isang “friendly
date”, sinabi ni Kris Aquino na “thank you gesture”
lang daw iyon dahil sa pag-guest ni Mayor Joey Marquez sa
showbiz talkshow ni Kris kung saan pinag-usapan nila ang paghiwalay
ni Joey kay Alma Moreno. Ngayon ay ilang beses na silang nakitang
lumalabas kaya hindi na maipagkaila ni Kris ang balitang kumakalat
tungkol sa kanila ni Joey. Balitang sabay na raw sila ngayong
nagsisimba sa Baclaran tuwing Miyerkules at palagi na raw
bumibisita si Joey sa tinitirhan ni Kris.
Samantala ay na-li-link din si Kris kay Mayor Sonny Belmonte
(na-tsismis din kay Aiko Melendez) at kay Troy Montero.
Back to top
Page 1
2 3
|
