Showbiz babies and mommies-to-be

CONGRATULATIONS sa mga bagong mommies and daddies sa showbiz! Kabilang dito ay sina Sheryl Cruz Bustos na nagsilang ng baby birl (Ashley Nicole) noong May 25, Angelu de Leon noong June 2 (baby girl din), Jaclyn Jose noong June 15 (baby boy Gwen Garymond)) at ang asawa ni Nino Muhlach na si Edith noong June 14 (baby boy Allessandro Martino).

As of press time, hindi pa rin kompirmado kung sino ang ama ng baby girl ni Angelu, gayun din kay Jaclyn (pero may balita na isang miyembro ng Mulatto Band ang ama ng anak ni Jaclyn). Kahit nagsalita na si Charisse Marcos sa telebisyon at sinabi na inamin na daw ng asawa niyang si Ed Marcos na naka-relasyon nito si Angelu, hindi niya rin masabi kung si Ed nga ang nakabuntis kay Angelu dahil wala naman daw sinasabi ang asawa niya tungkol dito.

May ibang balita naman na isang Mr. M (hindi Marcos) ang apelyido ng nakabuntis kay Angelu. Hintayin na lang nating si Angelu na ang magbigay ng opisyal na deklarasyon tungkol sa isyung ito.

Kung tungkol sa showbiz babies din lang ang napapag-usapan, isama na rin natin dito ang mga anak ng mga artista na nag-desisyong pasukin ang mundo ng showbiz. Kabilang dito ay si Iggy Boy Muhlach na alam ng lahat na anak ni Aga Muhlach kay Janice de Belen. Balak ni Iggy Boy na maging komedyante katulad ni Willy Revillame.

Si KC Concepcion naman ay pinayagan na rin ni Sharon Cuneta na maging stage actress at commercial model. Pinalitan ni KC si Karylle Padilla Tatlonghari (isa ring showbiz baby dahil ang ina nito ay si Zsa Zsa Padilla) bilang isa sa mga lead roles sa stage play na Little Mermaid. Si KC rin ang pinakabagong image model ng Human (sister company ng Bench).

Balitang P5 million daw ang ibinayad kay KC para sa deal na ito. Si Karylle naman ay abala sa pagpro-promote ng first album niyang "Time To Shine".

Iba pang showbiz babies na mainstays na ng mga TV shows ay si Alyssa Martinez (bunsong anak ni Albert at Liezl Martinez), LA Mumar (anak ni Coney Reyes sa basketbolistang si Larry Mumar), Oyo Boy at Danica Sotto (anak ni Dina Bonnevie at Vic Sotto) at Miko Sotto (anak ni Maru at Ali Sotto)

Matapos kumalat ang mga blind items tungkol sa umanong pagbubuntis ng aktres na naging dahilan kung bakit hindi makabalik ito sa Pilipinas, kinompirma ng mga taong malapit dito na totoo nga ang tsismis kay Priscilla Almeda.

Napabalita kasing tatlong buwan ng buntis si Priscilla at kasalukuyang nasa New York eto at ka-live-in ang ama ng magiging baby nito na si Shoff Ricablanca (isang Filipinong ipinanganak sa US pero galing sa isang prominenteng pamilya sa Aklan).

Kahit inamin na raw ni Priscilla na si Shoff ang ama ng dinadala nito, may tsismis pa ring kumakalat na baka raw ang totoong nakabuntis dito ay ang dating boyfriend nitong galing sa isang kilalang pamilya sa Cebu. Katulad ng kaso ni Angelu, hintayin natin na manggaling kay Priscilla ang kompirmasyon tungkol dito. Ang iba pang mommies-to-be sa showbiz ay sina Sunshine Cruz (kay Cesar Montano, of course) na balitang papangalanang Angelina Mae ang magiging anak dahil kamukha niya (ni Sunshine) si Angelina Jolie; Ina Raymundo (sa boyfriend nitong Ukranian-Canadian na si Brian Poturnak na isang businessman); at si Melanie Marquez (sa asawa nitong si Adam Lawyer na isang Texas rancher).

You may email the author at melvalencia@philippinestoday.net

AVAIL OF OUR VERY SPECIAL PROMO FOR ONLINE ADVERTISEMENTS

THIS SPACE CAN BE YOURS!

For more details, CLICK HERE.