PINATAWAD NA NI JINGGOY ESTRADA SI BONG REVILLA

Personal na pinahayag ni Jinggoy Estrada sa presscon ng kanyang pelikulang "Walang Iwanan, Peksman" na pinatawad niya na si Bong Revilla sa naging kasalanan nito sa kanya at sa kanyang pamilya. Kung natatandaan niyo pa ay isa si Bong Revilla sa mga bumitiw ng suporta sa ninong nitong si dating Pangulong Joseph Estrada sa kalagitnaan ng Edsa Dos nung nakaraang taon.

Tuwang-tuwa naman si Bong Revilla ng malaman ang balitang ito. Kahit alam daw niya na hindi basta-basta maibabalik ang dati nilang samahan ay naniniwala siya na mawawala rin daw "kung anoman yung sugat na naroon at magagamot ito sa tamang panahon." Laking pasasalamat ni Bong kay Jinggoy at maganda ang naging regalo nito kay Bong para sa taong 2002.

MGA HANDANG MAGHUBAD

Dahil sa ehemplo ng mga batang artistang biglang sumikat dahil sa paghuhubadkatulad nina Joyce Jimenez, Rica Peralejo at Assunta de Rossi ay marami ring artistang sumubok sa rutang ito para makilala ng husto. Kabilang dito ay sina Maricar de Mesa, Isabel Granada at Wendell Ramos pero hindi sila naging masyadong matunog sa masa. Pero kahit papano ay meron pa ring gustong sumubok. Kabilang dito ay sina Onemig Bondoc, Bojo Molina at Beth Tamayo. Balitang may butt exposure daw si Onemig sa pelikula niya kasama si Assunta de Rossi. Samantala, si Bojo at Beth ay handang makipagsabayan basta maganda raw ang istorya ng pelikula, magaling ang direktor at malaking movie outfit ang magpro-produce na may kasamang all-out na promotion.

Back to top

Page 1 2 3 4 5