POPS FERNANDEZ, FRENCH-FILIPINO ANG BF

Lumabas ang balitang boyfriend na ni Pops Fernandez ang French-Filipino businessman na si Jacques Dupasquier ng makita ito sa lamay ng lola ni Pops nung December 29. Nagpang-abot pa si Jacques at Martin Nievera at nakitang nagbatian pa sila. Nakita uli si Jacques sa concert ni Pops sa Onstage, Greenbelt Mall sa Makati at dito nakompirmang boyfriend niya na nga ito.

Nang tinanong si Martin tungkol dito ay inamin niya na kahit papano ay nagseselos pa rin siya, kahit meron na siyang Katrina Ojeda na nagmamahal sa kanya. Ang message niya kay Jacques ay, "Take care of my girl. Don't break her heart."

KAMBAL NI AGA AT CHARLENE - BININYAGAN

Nabinyagan na rin ang kambal na sina Atasha at Andres Muhlach nung January 8. Walong pares ang ninong at ninang nila pero tatlo lang dito ang may kinalaman sa showbiz - si Luis "Lucky" Phillip Manzano, Alyanna Martinez (panganay ng pinsan ni Aga na si Liezel Martinez at ng asawa nitong si Albert Martinez) at Maribeth Bichara. Ginanap ang binyag sa St. James The Great sa Ayala Alabang kung saan nakatira ang mag-asawang Muhlach.

Speaking of kambal, balitang isang taon na raw ang kambal ni Carmina Villaroel at Zoren Legaspi. Hanggang ngayon ay wala man lang nagsalita sa dalawa tungkol sa totoo nilang relasyon pero balitang nagsasama na sila.

Back to top

Page 1 2 3 4 5