|
JOEY
AND ALMA MARQUEZ - HIWALAY NA
Pagkatapos ng labingdalawang taong pagsasama, kompirmadong
hiwalay na si Mayor Joey Marquez at ang maybahay nitong si
Alma Moreno. Umalis na si Alma sa kanilang tahanan sa Paranaque
at kasalukuyang naninirahan sa isang bahay na nirerentahan
niya ng P40,000 a month. Ang tatlong anak nilang sina Yeoj,
11, Win-win, 9 at Vittorio Joe, 5 ay nagdesisyong manatili
sa poder ng ama nila (si Vandolph na anak ni Alma kay Dolphy
ay nasa kay Joey din dahil nagpapagaling pa ito samantalang
si Mark Anthony naman na anak ni Alma kay Rudy Fernandez ay
nakatira naman sa ama nito kasama ang step-mom nito na si
Lorna Tolentino).
Maraming haka-haka tungkol sa totoong dahilan ng hiwalayan
ng mag-asawa. Isa dito ay ang balitang na-in-love si Alma
sa isang 31 years old na mayamang businessman na taga-Cebu
(mas bata kay Alma ng sampung taon). Meron namang nagsabi
na isang radio commentator naman na taga-Cebu pa rin ang boyfriend
ni Alma. Ayaw naman magsalita ni Joey tungkol sa anggulo na
to. Sinabi niya na lang na hindi pa rin siya nawawalan ng
pag-asa na magkabalikan silang mag-asawa dahil sa dami at
haba ng pinagsamahan nila. May balita ring lumalabas na gumaganti
lang daw si Alma dahil sawa na raw ito sa pananakit at pambabae
ni Joey. Kung maalala niyo pa ay dating na-link ng matagal
si Joey kay Sharmaine Arnaiz at ni minsan ay di man lang nagsalita
si Alma. Balita ring may alam ang tatlong anak nila ukol sa
totoong dahilan ng break-up kaya nanatili sila sa piling ni
Joey.
Parang wrong timing ang hiwalayan ng dalawa dahil pareho
silang may karamdaman sa kasalukuyan. Si Alma ay may multiple
sclerosis samantalang si Joey ay may hypertension. May nakapuna
rin na parang "cycle" sa buhay ni Alma ang makipaghiwalay
pag matagal na siyang may kinakasama (8 years siyang nakipag-live-in
kay Rudy Fernandez at 12 years naman kay Dolphy).
Final na raw ang hiwalayang Joey at Alma dahil magfi-file
na raw si Alma ng annulment ng kasal nila (kinasal sila sa
Las Vegas nung 1989 at sa Pilipinas ng 1990).
Back to top
|
