Sa anibersaryo ng People Power 2

SA ARAW ng mga Puso. Sa Pebrero pumapatak ang araw ng mga puso sa buong mundo. Sa Japan naman ang mga babae ang magbibigay ng regalo (kalimitan ay chocolates) sa mga lalaking napupusuan (honmei) at di napupusuan (giri). Dito naman, ang mga mag-steady ay magbibigayan din ng regalo pagdating ng Valentine's Day. Sa mga araw na malapit sa Valentine's Day, maaaring lalong dumami ang PDA o Public Display of Affection. Kapansin-pansin ngayon ito sa Metro Manila. Hindi yata lalampas ang isang buwan na hindi makikita ang isang couple (puedeng kasal o di kasal) na halos maghalikan na ang lapit ng labi sa isa't isa o lapit ng labi sa leeg ng kasama kung mag-usap, kung sila man ay nag-uusap u (Para sa mga di pa nakakaalam, ibig sabihin ng letter "u" na may dalawang tuldok sa itaas ay mukha ng isang tao na nakatawa).

Mga Paputok sa Bagong Taon. Napakaingay daw ng Bagong Taon sa Pilipinas para sa mga Nihonjin. Noong New Year's Eve, maingay pa rin daw ayon sa kaibigan kong Haponesa. Pero konti na lang ang maririnig o makikitang hanabi at kung anu-ano pang paputok. Konti o walang pe-rang pambili ang karamihan sa ating mga kababayan dahil sa pagsama ng ekonomiya ng Pilipinas at mundo. Dati, kahit 4 a.m. ng January 1 sa amin meron pa ring iilan na maririnig na putok. Nung 2:30 ng January 1, 2002 tigil na ang paputok. Noon, ilang araw na ang nakalipas, meron pa rin ilang malalakas na putok ang maririnig. Ngayong taon, ito wala na.

Last year's People Power 2 at the EDSA Shrine. BNT photo

Anibersaryo ni Aling Gloria o People Power 2. Ang Bayan at Sanlakas, mga militanteng grupo na sumali last year sa mga grupong nagpatalsik sa dating pangulong Erap. Ngayon laban pa rin sila kay Erap ngunit di rin sila sang-ayon kay Gloria. Wala rin daw ginagawang matino si Gloria.

In fairness to President Gloria, higit na mas magaling siya kay Erap sa pamamalakad ng pamahalaan. Nariyan ang mga masasamang paratang sa asawa niyang si Mike Arroyo ay hindi magtagumpay at isa-isa nang nangawala ang mga taong nag-aakusa ng graft laban kay Mike. Kay Erap, halata ang pag gamit niya ng yaman ng bayan para sa iba't iba niyang pamilya. Inaakusa si Gloria nang pamumulitika dahil sa paggala niya sa iba't ibang lugar sa Pilipinas. Sagot ni Gloria, kailangan niyang maglibot para makita ng mga tao, lalo na ng mga mahihirap. Para makita mismo ng mahihirap na alam talaga ng pamahalaan ang sitwasyon nila.

Tama nga ang sinasabi ng Catholic Bishop's Conference of the Philippines, isang taon pa lang si Gloria nakaupo. Dapat bigyan ng chance ang kanyang administrasyon magtagumpay. Madarama pa lang ang mga epekto ng pagbabago matapos ang 4 o 5 taon.

Ang Popularity ng mga game shows. Tuloy ang popularity ng mga game shows tulad nang "The Weakest Link (TWL)". Nariyang ginagamit na ng mga politiko at government officials ang expression na "the weakest link." Sa mga bumabatikos kay Mike Arroyo, "The First Genetlemen is the weakest link." Sinulat naman ng isang columnist-priest na, "(I)n any temptation situation, you are the weakest link. So pray! Otherwise, goodbye!". Ginaya na rin ng ilang game shows sa T.V. ang trend na pinasimulan nang TWL: ang pang-aasar sa mga natalo o matatanggal na contestant sa game shows. Meron gumagamit ng "T.Y. Tanggal You!" at "Alis dyan!".

Dinudumog na Foreign Movies. Noong December ipinalabas ang Harry Potter and the Sorcerer's Stone at noong January naman ang "The Lord of the Rings: The Fellowship of the Ring". Sa Ayala Malls tulad ng Alabang Town Center, 3 or 4 out of 5 moviehouses nila ang nagpalabas ng mga foreign movies na 'to. Sa SM Megamall cinemas naman, 3 or 4 out of 8 ang nakuha ng dalawa sine. Mahaba ang pila ng manonood sa unang linggo ng pagpapalabas ng 2 ito. Ikumpara naman ang mga sineng gawang Pilipino. Hindi na kasing lakas ang hatak sa manood. Ayon sa isang movie critic, dahil daw ito sa pagmahal ng movie tickets. Ang mga kayang bumili ng movie tickets ngayon ay mga galing sa upper at middle class na lang ng lipunan. Mga foreign movies na ang mas patok sa mga kayang bumili ng movie tickets.

WOW Philippines at credit cards. Noong January 15-31, nag-lunsad ang mga shopping malls sa buong bansa at Department of Tourism ng "WOW Philippines Grand Fiesta Sale" para i-promote ang bansa bilang "shopping paradise" sa Asia. Habang sinusulat ito, hindi pa gaano dumarami ang shoppers. Sana dumami ang shoppers pero dapat hinay lang sa credit card use. Sa bagay konting Pilipino lang ang gumagamit ng credit card. Ayon sa isang year 2000 survey, mga 90% ng populasyon ang bumibili using cash. Pero mukhang tataas ang bilang ng credit card users. Agresibo ang credit card departments ng mga bangko sa pagkuha ng mga kliyente. Nagtayo sila ng mga kiosks o small booths sa loob ng mga malls tapos ang kanilang marketing people, ngingiti sa 'yo (kung ikaw ay taong mukhang makakabayad) habang aabutan ka ng application form nila. *