Kris and Joey, tuloy ang love affair

HINDI na itinatago sa publiko nina Kris Aquino at Joey Marquez ang kanilang relasyon. Inamin na rin ni Joey na mahal niya si Kris matapos nitong sagutin ang mga akusasyon ng asawang si Alma Moreno na nagpahayag na hindi totoong wala na sina Kris at Joey matapos magpa-interbyu ni Kris sa sarili nitong showbiz talk show. Ayon kay Alma, kinagabihan matapos ang interbiyew ay nadatnan pa niya si Kris sa condo na tinitirhan ni Joey. Kung nung una ay medyo umaasa pa si Alma na magkakabalikan sila ni Joey, tinanggap niya na raw sa sarili niya na wala na itong pag-asa dahil na rin sa deklarasyon ni Joey sa publiko ng pagmamahal nito kay Kris.

	Kris Aquino

Marami ang nagbabatikos sa relasyong Kris at Joey sa dahilang hindi pa na-annull ang kasal ni Joey kay Alma. Ayaw ng mag-komento ng dalawa tungkol sa kanilang relasyon pero binawi na ni Kris ang mga binitawang salita sa kanyang interbiyew na hindi pa niya kayang iwan ang kanyang career dahil sa pag-ibig. Ngayon ay nagsasabi na siya na kaya niya na raw talikuran ang kanyang TV career para maging simpleng maybahay pero hindi pa raw sa taong ito o sa susunod. Mag-aaral na lang daw siya ng abogasya dahil matagal niya na raw ito gusto.

Lea Salonga, ikakasal na sa Dec 2003

Lea Salonga

Naging engaged kamakailan ang international stage actress na si Lea Salonga sa boyfriend nitong Japanese-Chinese na si Robert Chien, isang businessman na naka-base sa Los Angeles, California. Ang kasal ay gaganapin sa isang isla sa Hawaii sa Disyembre ng susunod na taon.

Isang taon na ring magkasintahan sina Lea at Robert. Ipinakilala sila sa isa’t-isa ng pinsan ni Robert na si Christine Yasunaga na kasama ni Lea sa stage play na “The Flower Drum Song” na tinanghal sa L.A.

Ayon sa ina ni Lea na si Ligaya Salonga ay nagpahayag si Robert ng intensiyon nitong pakasalan ang aktres ng ikalawang pagpunta nito sa Pilipinas. Ang unang punta niya ay nung Enero para panoorin si Lea sa stage play nitong “Proof”. Pumunta uli ito nung Hunyo para naman sa “The Broadway Concert” ng kasintahan sa PICC.

Sa katapusan pa ng 2003 nakatakda ang kasal dahil na rin sa dami ng commitments ni Lea. Sa ngayon ay nag-eensayo ito para sa “Flower Drum Song” na itatanghal sa Broadway sa New York ngayong Oktubre. Matatapos siya sa nasabing play sa Agosto ng susunod na taon. Pagkatapos nito ay magkakaroon naman ng US tour ang kanyang “The Broadway Concert”. Ang Hawaii ang pinakahuling State kung saan mag-pe-perform si Lea kaya nagdesisyon sila na doon na rin gaganapin ang kasal.

Back to top

Page 1 2 3