Ang love triangle ni Piolo, Judy Ann at Pops

Mainit na mainit ngayon ang intriga na merong relasyon daw sina Pops Fernandez at ang ka-loveteam ni Judy Ann Santos na si Piolo Pascual. Lalong lumaki ang isyu ng umiyak ng dalawang beses si Pops sa press con ng Larawan, ang drama anthology ng GMA, na kung saan siya ang featured artist para sa buwan ng Agosto. Eto ay dahil sa sinulat ni Ricky Lo sa kanyang column sa isang diyaryo tungkol sa pagkapanood ni Pops ng concert ng "The Hunks" na kung saan isa sa mga miyembro si Piolo. Nagmukha daw siyang "cheap at desperada sa lalaki". Eto ang bahagi ng column ni Ricky Lo na ikinasama ng loob ni Pops : "There was a reception after the show which was watched by celebrities, among them Pops Fernandez (how come many people say that she's a "late bloomer"?) who very obviously enjoyed the show, her eyes glued to every inch of Piolo's inviting anatomy..."

Ayon kay Pops, nanood daw siya ng show bilang pagsuporta sa mga kaibigan niyang si Piolo, Carlos Agassi at Diether Ocampo na kasama niya sa ASAP, ang Sunday variety show ng ABS-CBN. Pero bago pa itanghal ang concert ng "The Hunks," meron ng bulung-bulongan tungkol sa isyung Pops at Piolo. Isinama pa si Judy Ann sa intriga dahil siya ang kinukulit ng mga showbiz writers na magpahayag ng kanyang reaksiyon tungkol sa isyung kinasasangkutan ng ka-loveteam pero ayaw patulan ng dalaga ang intriga.

Dalawang linggong pag-ibig ni Lara at Raymond

Lara Fabregas

Marami ang nagulat sa balitang ikinasal si Lara Fabregas at Raymond Bagatsing sa huwes pagkatapos lamang ng dalawang linggong relasyong. Kumalat ang intrigang kesyo buntis daw si Lara pero pinabulaanan ng dalawa. Kahit silang dalawa mismo ay nagulat sa bilis ng pangyayari. Nagkakilala lang sila ng maigi nang magkasama sila sa rehearsals ng stage play na "The Lark" ng Actor's Actors Inc.. Doon nila nalaman na compatible pala sila sa maraming bagay at pareho sila ng mga interests. Simula noon ay palagi na silang lumalabas. Ayon kay Raymond, nung pumunta siya sa bahay ni Lara nung June 24 para dalawin eto pagkatapos ng ilang linggong di pagkikita (sinadya nila ito para masubok kung seryoso nga ang nararamdaman nila sa isa't isa), wala sa isip niya na yayayain niyang magpakasal si Lara. Nag-usap lang daw sila mula alas onse ng gabi hanggang alas dos ng umaga. Pero dahil sa matinding emosyong naramdaman niya ng mga sandaling iyun, namalayan na lang ni Raymond na nag-po-propose na siya kay Lara. Hindi naman siya nabigo dahil hindi nagdalawang-isip si Lara na sumagot ng "oo". Itinakda ang kasal nila sa July 28 pero hindi na makapaghintay ang dalawa kaya nagpasya silang magpakasal sa huwes nung July 5 sa Las Pinas Municipal Hall. Tuloy pa rin ang kanilang pormal na kasal sa July 28.

Kaiba sa mga kasalang showbiz, ang garden wedding nina Lara at Raymond sa Sonia's Garder sa Tagaytay ay isang Ananda Marga na seremonya na idadaos sa harap ng isang "monk". Ayon kay Lara, ang Ananda Marga ay isang paniniwala at hindi isang relihiyon. Si Raymond ay isang firm believer ng movement na ito (marahil daw ay impluwensiya ito ng Indian
blood niya). Imbes na wedding gown at tuxedo, mga tradisyonal na Indian na damit pagkasal ang isususot ni Lara (gold at fuschia na sarong na may veil) at Raymond (kurta). Imbes na singsing, sila ay magpapalitan ng "bindis" sa kanilang mga noo.

Si Lara ay anak ng batikang character actor na si Jaime Fabregas sa unang asawa nitong si Bing Caballero samantalang si Raymond naman ay apo ng dating Mayor ng Maynila na si Ramon Bagatsing. Wala daw muna sa plano ng mag-asawa na magka-anak dahil may instant family na rin sila (si Raymond ay may dalawa ng anak na lalaki na nagkakaedad ng onse at apat na taong gulang).

Page 1 2 3

AVAIL OF OUR VERY SPECIAL PROMO FOR ONLINE ADVERTISEMENTS

THIS SPACE CAN BE YOURS!

For more details, CLICK HERE.