Dakilang Pagtatalaga (Part 1)
(Great Commitment)
SINABI ng Panginooong Jesus sa kanyang mga alagad na ang pagkain
Niya'y ang tuparin ang kalooban ng nagsugo sa kanya at ganapin ang
ipinagagawa niya (Juan 4:31-34). Dito sa sinabi ng Panginoong Jesus
ay ating nakita ang masidhing pagnanasa Niya na sumunod sa kalooban
ng Ama na nagsugo sa Kanya at tuparin ang ipinagagawa Niya. Ang
ginamit Niyang halimbawa ay pagkain dahil sa oras na takaw-na-takaw
ang isang taong kumain dahil sa gutom ay maihahalintulad ito sa
pagbibigay Niya ng urgency at importansiya sa pagsunod sa kalooban
ng Dios at gawin ang ipinagagawa sa Kanya.
Ang puntos dito ay ang Panginoong Jesus ay talagang itinalaga ang
sarili sa pagsunod at pagpapatupad ng ipinagagawa ng Ama sa Kanya.
Ang pagtatalaga ni Jesus sa gawain ng Ama ay kanya namang inaasahan
na gayon din ang gagawing pagtatalaga sa gawain ng mga alagad Niya.
Pansinin ang v.35 ng Juan 4: "Hindi ba sinasabi ninyo, apat
na buwan pa at anihan na? Sinasabi ko sa inyo, masdan ninyo ang
mga bukid: hinog na at handa nang anihin."
Tunay na sagana ang aanihin ngunit kakaunti ang mag-aani. Sinabi
ito ng Panginoon sa kanyang mga alagad mahigit dalawang libong taon
na ang nakaraan. Kung ating iisipin at isa-alang-alang ang populasyon
noon at ngayon ay higit na napakaraming aanihin ngayon ngunit kulang
na kulang ang manggagawa. Mga alagad na tulad nina Pedo, Pablo,
Esteban at marami pang iba na umibig sa Dios ng buong puso, ng buong
kaluluwa, ng buong kalakasan at umibig sa kanilang kapwa tao kagaya
ng pag-ibig nila sa kanilang mga sarili (Marcos 12:30, 31) hanggang
sa kanilang kamatayan. Humayo sila't nangaral ng ebangelyo, nagbautismo
at nagturo na sundin ang lahat ng ipinagu-utos ng Panginoong Jesus
ang dapat nating pamarisan. (Mateo 28:19-20).
Ang pangalawang puntos na dapat makita ay ang lubusang pagtatalaga
sa sarili at sa pagsunod sa kalooban ng Dios at sa paggawa natin
sa Kanyang gawain na inihalimbawa nina Pedro at Pablo: "at
nagsalita si Pedro, tingnan po ninyo: iniwan namin ang lahat at
kami'y sumunod sa Inyo." Mga salitang nagbigay luwalhati sa
Panginoon lalo pa nga ito'y nagmumula kay Simion na ang ibig sabihin
ng pangalan na ito ay moody, changing, shifting na binasagan naman
ni Jesus na Petros (Pedro=rock).
Sinabi ni Jesus bilang Dios ay natatalos Niya ang katotohanan sa
sinabi ni Pedro, iniwan namin ang lahat at sumunod sa Iyo.
Ang pangatlong puntos na ibig kong ating makita ay ang mga espirituwal
na implikasyon sa pagtatalagang ito na sinabi ng Panginoon sa Mateo
16:24, "kung ibig ninumang sumunod sa akin, limutin niya ang
ukol sa kanyang sarili, pasanin ang kanyang krus at sumunod sa akin."
Pagkakilala sa kanya na pinagkatiwalaan natin ng buhay- 2 Timoteo
1:12 -- kagaya nina Pedro at mga kasama nito at si Pablo at lahat
ng naging martir sa Panginoong Jesus, hinarap nila at nagtiis sa
mga kahirapan at pagdurusa maging ang kahihiyan at kamatayan sapagkat
alam nila na kailanma'y hindi sila tatalikuran ng Panginoon (Mateo
28:20).
Kung minsan ibig ng Dios na bitiwan natin ang ating mga tinatangkilik
para sa mas lalong mahalagang bagay at dito ay kailangan ang pagtanggi
sa sarili na maituturing natin isang krus na dapat pasanin at sa
ating pakipagtiis sa Panginoon dito natin malalaman na wala pala
Siyang kasingdakila.
Ang pagiging makaturwiran (reasonableness) sa pagtalaga natin sa
kanya ng ating buhay.
Ang Dios ay walang kasing dunong (all wise) at higit na alam Niya
ang mabuti para sa atin.
Makapangyarihan sa lahat at magagawa Niya ang pinakamabuti para
sa atin.
Mas mahal tayo ng Dios higit kaysa kanino pa man.
Si Pastor Neme Barro ay maririnig bawat Linggo, mula 10:30 ng umaga,
sa Ibaraki Christian Center, Tel. no. 0298-56 8119.
|
