Hiwalayang Aiko at Jomari, palala nang palala

Ang dating tahimik na hiwalayang Aiko at Jomari ay pinagpiye-piyestahan ngayon dahil palala ng palala ang kanilang alitan. Isang isyu dito ay ang mga akusasyon ni Aiko sa annulment case nito laban sa dating asawa. Kabilang dito ay ang pananakit raw ni Jomari, ang masyadong pagkasumpungin ("moody") nito at ang hindi pagbibigay ng suportang pinansiyal, atensiyon at pagmamahal sa anak nilang si Andrei. Lahat ng mga ito ay pinabulaan ni Jomari dahil hindi raw siya ang tipong nananakit ng babae. Takot pa nga raw siya kay Aiko. Hindi niya rin daw pinabayaan ang kanyang mag-anak sa aspetong pinansiyal.

Idinamay rin ni Aiko si Ara Mina at ang isang Abby Hernandez na mga nagingkarelasyon daw ni Jomari. Si Jomari naman ay nanghingi ng dispensa sa mga nasangkot dahil wala namang kinalaman ang mga ito sa problema nilang mag-asawa.

Samantala ay kumalat rin ang balitang meron din palang karelasyon si Aiko sa isang Phillip Palma habang sila ay nagsasama pa ni Jomari. Ilang beses na raw ito natutulog sa bahay ni Phillip sa Valle Verde. Lumabas pa sa isang tabloid ang picture ng dalawa na medyo "intimate" ang pose. Ang relasyong ito ay kinompirma din ng dating bodyguard at driver ni Aiko na sina Henry Taragua at Buboy Tamidles (si Henry Taragua ngayon ay nagtratrabaho na kay Ara Mina. Inakusahan ni Aiko na nagpagamit lang si Henry at may nag-utos rito para siraan siya. Ito kaya ay dahil sa ikinalat na balita ni Aiko na natutulog si Ara sa bahay ni Jomari?).

Sa ngayon ay pinag-aaralan ni Aiko at ng kanyang mga abogado ang pagsampa ng kasong libel laban sa mga sumulat tungkol sa relasyon daw nito kay Phillip. Abangan na lang natin ang kahahantungan ng madramang bahagi na ito sa buhay nina Aiko at Jomari.

Kris Aquino at Troy Montero, nagde-date

Halatang proud na proud si Kris Aquino na ipahayag sa buong mundo na lumalabas sila ni Troy Montero. Inamin niya sa showbiz talkshow niyang "The Buzz" na nag-da-date sila at close daw sila ngayon. Enjoy daw siyang kasama si Troy dahil "humorous" daw ito at "deep" na tao. Nasa "getting-to-know" stage pa raw sila at masyado pa raw maaga para sabihing magiging sila balang araw pero nagugustuhan niya raw ang kanyang na-di-discover kay Troy.

Nang tanungin siya kung kumusta si Troy sa kanyang mga kaibigan ay sinabi ni Kris na okay raw si Troy sa mga kaibigan niya, pati rin daw sa ina nitong si Cory Aquino.

Idiniin ni Kris na hindi pa raw sila ni Troy ngayon pero kung magiging sila, eto lang ang nasabi niya, "I would be proud".

Pops at French BF, nag-break na!

Pagkatapos ng pitong buwan ay nauwi sa hiwalayan ang relasyong Pops Fernandez at Jacques Dupasquier, isang Filipino-French na businessman. Lumabas lamang ang balita na ito ng makita si Jacques sa isang social event na may ka-holding hands na ibang babae. Kinompirma ni Pops ang balita pero ayaw niya sabihin ang dahilan ng kanilang break-up. "Friendly" naman daw ang kanilang paghihiwalay dahil "walang sumbatan, walang sigawan" na nangyari.

Back to top

Page 1 2 3