Ciara Sotto at Jessica Rodriguez, muntik na

Ciara Sotto

Sinugod kamakailan sa ospital si Ciara Sotto dahil na-overdose ito ng sleeping pills. Hindi na ito makatulog dahil sa sunod-sunod na trabaho kaya uminom ito ng pampatulog. Hindi umepekto ang isang tableta kaya dinamihan niya.

Dahil dito ay naglabasan ang intrigang nagtangka raw itong mag-suicide dahil sa matinding selos sa bf nitong si John Lloyd Cruz at sa ka-love team na si Bea Alonzo. Hindi rin daw makayanan nito ang pagtanggi ng mga magulang sa bf dahil hindi ito galing sa isang “de buena” na pamilya.

Lahat ng mga ito ay pinabulaan ng isang official statement na galing sa ABS-CBN Talent Center. Sa nakaraang birthday ni Ciara ay pinakita din ng dalawa kung gaano katatag ang kanilang relasyon.

Samantala ay muntik ng matuluyan ang talent manager na si Jessica Rodriquez habang ipinanganak nito sa pamamagitan ng caesarean section ang baby nilang si Breanna Sophia ng asawang si David Buenvacz. Nawalan ito ng maraming dugo habang inooperahan kaya ginawan ito ng blood transfusion at tinanggal ang kanyang uterus. Naging maselan ang pagbuntis ni Jessica dahil tatlong buwan din siyang naratay sa hospital bago isinilang ang pangatlong anak (nakadalawa siya sa dating ka-relasyon na si Benedict Aquino).

Chinovelas, in na in

Dahil sa labis na popularidad ng “Meteor Garden” sa ABS-CBN, di nagpahuli ang GMA at nagpalabas ng tatlong chinovela. Ito ay ang “MVP Valentine”, “Lavender” at “The Poor Prince”. Tampok sa “MVP Valentine” ang tinaguriang NSYNC of Asia, ang grupong 5566.

Samantala, sinakyan ng talent manager na si Douglas Quijano ang kasikatan ng F4 at nagbuo siya ng sariling boygroup na tinawag niyang G-4 or Guapo Forever. Inaasahan ni Douglas na maging kasing-sikat ni Richard Gomez at ang mga bench models niyang alaga na si Jomari Yllana at Wendell Ramos ang G-4.

Back to top

Page 1 2 3