Mga isyung Pinoy

NAKAKANOOD ba kayo ng mga news program mula sa atin dito sa Japan? Paano? Kung may internet connection kayo, i-type in ang inq7.net at mapapanood mo si Mel Tiangco at Saksi ng GMA-7, halos araw-araw.

May napansin lang kami sa mga news natin. Halos 80% or more ay puro negative ang dating. Kidnappings, patayan, nakawan, rape at marami pang kaparehong madidilim na balita ang mapapanood at maririnig ninyo. Wala ngang investors o tourists ang maaakit magpunta sa Pilipinas kung puro negative news ang lumalabas tungkol sa atin. Kahit ang ating mga kababayang migrante ay magdadalawang-isip umuwi dahil sa mga nakakatakot na balitang nagmumula sa atin. Pati tuloy ang karamihan sa ating mga kababayan na nasa Pilipinas ay gusto na ring umalis at mag-migrate sa ibang bansa.

Oo nga’t hindi ang Philippine media ang dahilan ng bad image ng ating bansa. Ibinabalita lamang nila ang mga totoong nangyayari. Pero, kasama rin ng katotohanan ang mga iilan, bagama’t mas kaunti lamang, na magagandang balita.

We are sure that amidst the negative events taking place in our country, there are still a handful of very positive news, especially the inspiring acts of love, courage and determination of many good-hearted Filipinos.

Of course, media has the responsibility to present the truth so we are not suggesting that they do away with the real negative events. We are just asking that they balance the news, to show the good, no matter how few and in between, together with the bad.
Hopefully, the positive news, although limited at the moment, may expand and inspire more of our people to be more honest, to be more diligent, to be more nationalistic, to be more sharing.

We focus too much on the dishonest, the selfish, the bad and the ugly. What about the honest, the selfless, the good and the beautiful among our people, in our country?

*****
Batid ng lahat na parami nang parami ang mga Filipino dito sa Japan. Mga entertainers, mga asawa’t anak ng Japanese, mga trainees, care-providers, Nikeijin, professionals at students, may kumpletong travel at work documents man o wala, maaring higit na sa 200,000 ang bilang ng mga Filipinos dito.

Karamihan din sa ating mga kababayan dito ay may mga problema.

In the past, there were more job-related problems katulad ng walang kontrata, walang bayad para sa trabaho, di makatarungang haba na oras ng pagtratrabaho, dohan, confiscation of passport and alien certificate of registration (acr) by brokers, at iba pa.
While these problems continue until now, family-related problems are also on the increase. Pagbubugbog na asawa, child abuse, separation, divorce at marami pang pampamilyang problema ay ini-re-report sa Philippine Embassy, sa mga simbahan, at NGOs ng ating mga kababayan dito.

Marami sa inaabuso ng kanilang mga asawa’t kasama sa bahay ay tumatahimik lamang. Tinitiis nila ang mga physical at verbal na pag-aabuso dahil sa takot na kadalasa’y nagmumula sa maling akala na baka hindi na sila maaring tumira’t manatili sa Japan kung hihiwalayan sila ng kanilang mga kasama o asawang Hapon.

Isa pang problemang pampamilya ay ang tungkol sa pag-aaral ng mga anak ng Filipino dito sa Japan. Hindi masyadong apektado ang mga anak ng Filipino na kasal sa Japanese, ang mga tinatawag na Japinos. Dahil sa gimu kyoiku ( compulsory education) dito sa bansang ito, madaling makapasok ang mga bata sa paaralan maski saan man dito sa Japan.

Kaya dapat, kahit ang mga batang tinaguriang Pipino, anak ng kapwa Filipino, ay maaring makapag-aral dahil sa gimu kyoiku. Walang school dito sa Japan ang makakatanggi sa kanilang pagpapasok kung mag-a-apply sila. Bilog man o hindi ang kanilang mga magulang, pwede silang pumasok sa school na pinakamalapit sa kanilang tirahan.

Dahil takot ang mga magulang nila na baka ma-I-report ng school sa immigration ang tungkol sa kakulangan ng kanilang mga dokumento ( na sila ay undocumented o OS – overstayers), marami sa mga anak ng mga Filipino dito ay lumalaki ng walang formal na edukasyon. Kawawa naman ang mga bata. Masakit din para sa mga magulang na makita ang kanilang mga anak na lumalaking kulang sa pormal na karunungan.

Kung kayo ay Pinoy at may mga ganitong problema at iba pa dito sa Japan, ano ang maari ninyong gawin?

May suggestion na lumabas sa meeting ng mga NGOs, taga-simbahan, at ng Philippine Embassy na isagawa ang outreach program kung saan ang mga opisyales at staff ng Embassy ay papasyal at bibisita sa mga iba’t ibang lugar dito sa Japan.

Sa kanilang pagbibisita, magkakaroon ng consultation at mas mahalaga, magdudulot ng consular services ang Embassy team katulad ng passport renewal, registration of birth and marriages at iba pang serbisyo at assistance na kailangan ng ating mga kababayan.

Makakatulong ito lalo na para sa mga may katanungan at problemang nais nilang ipaabot at mabigyan lunas pero hindi nakakapunta sa Embassy sa Tokyo.

Kung matutuloy, may planong gawin ang Embassy Outreach na ito sa October 27, Linggo, sa Tsukuba Catholic Church. Kung tatanggapin ni Ambassador Domingo Siazon ang paanyayang simulan itong outreach program na ito, maglalabas kami ng formal na paanyaya at information sa lahat ng mga Filipinos sa Ibaraki Prefecture na dumalo sa napaka-importanteng okasyon na ito sa October 27, mula 12 hanggang alas-5 ng hapon.

If you have problems, comments or suggestions, please contact us at telefax 0298-55-6154 or email us at cballescas@yahoo.com. Hanggang sa muli, ingat kayong lahat at God bless!*

Back to top

We welcome our readers to contribute their articles to Philippines Today Online. If you would like to submit your article for posting at this site, please use our Submission Form.