|
Donita Rose, maligaya
sa kanyang lovelife
 |
|
Donita Rose
|
Aminado si Donita Rose na inspirado siya ngayon dahil natagpuan
na niya marahil ang lalaking pakakasalan niya. Ang swerteng
lalaki ay si Eric Villarama na best friend ng nakababatang
kapatid niya na si Paul. Kasalukuyang nagtratrabaho ito bilang
isang art director sa isang web-based company sa US. Balak
raw nitong lumipat sa Singapore para mapalapit sa kasintahan
at para rin ma-develop ang kanilang relasyon.
Inamin ni Donita na hindi niya raw ito gusto noong una dahil
ayaw niya ng mas bata sa kanya (isang taon ang tanda niya
kay Eric). Nakababatang kapatid lang ang turing niya dito
dahil maliit pa lang sila ay kilala niya na ito. Meron daw
silang komunikasyon noon pero hindi niya alam na in-love na
pala si Eric sa kanya. Nalaman niya lang ang lahat ng binigyan
siya ni Eric ng isang movie trailer para sa birthday niya
at doon ipinahayag ng binata ang kanyang damdamin. Nagustuhan
niya si Eric dahil na-diskubre niya na marami daw silang things
in common, kasama na rito ang lubos na pagmamahal sa Diyos.
Para kay Donita ay ito ang pinaka-importante sa lahat. Wala
pa raw silang planong magpakasal pero gusto ni Donita na makasal
sa taong 2004 dahil 27 na raw siya ngayon at gusto rin niyang
magkaanak habang bata pa.
"Munting Tinig" pang-international
filmfest
Matapos tanghalin ng mga kritiko sa Toronto International
Film Festival ay napili ang “Munting Tinig” ng American
Film Institute bilang isa sa mga sampung Asian classic films
na ipapalabas sa Los Angeles Film Festival. Ang nasabing pelikula
na gawa ni Gil Portes ay tungkol sa karanasan ng isang batang
guro (na ginampanan ni Alessandra de Rossi) ng ma-assign ito
sa isang liblib na barrio.
Maraming pumuri sa akting ni Alessandra at may kritiko pa
na sumulat na may potensiyal siya na maging isang Penelope
Cruz (isang Spanish actress na kilala na sa buong mundo dahil
sa mga nagawa nitong Hollywood movies at hindi lang bilang
girlfriend ni Tom Cruise). Kung natatandaan niyo pa ay napuna
rin ang akting ni Alessandra sa unang pelikula nito na “Azucena”
na naging laman din ng mga international film fests katulad
ng Toronto International Film Festival, Valladolid International
Film Festival at San Diego’s Asian Film Festival. Nanalo
din siya bilang Best Supporting Actress sa pelikulang “Hubog”
noong nakaraang Metro Manila Film Festival.
Sasamahan ni Alessandra si Gil sa screening sa LA Film Festival
at habang andun ay baka raw mag-audition ito sa “Fertig”,
isang Hollywood na pelikula tungkol sa World War II sa Pilipinas
na magtatampok kay Brad Pitt sa starring role.
Sinasabing ang “Munting Tinig” ay kasalukuyang
kino-consider bilang entry sa Foreign Languge film category
ng Golden Globe awards. Isa rin daw ito sa mga pelikula na
ilalaban bilang entry ng Pilipinas sa Best Foreign picture
category ng Oscar awards.
Wendell Ramos, bagong "Papa ng
Bayan"
Iyan ngayon ang bagong titulo ni Wendel dahil sa patuloy
na pagsikat nito sa larangan ng bold films. Sinasabing siya
ang susunod sa mga yapak ni Jomari Yllana bilang isa sa mga
in-demand na sexy actors.
Nagsimula ang lahat ng mapansin siya sa “Hubog”
kasama si Assunta de Rossi. Sumunod ay naging leading man
rin siya ng baguhang bold star na si Maui Taylor sa “Gamitan”,
ni Maricar de Mesa sa “Bedtime Stories” at ngayon
ay kapareha siya ni Ara Mina sa pelikulang “Two Timer”.
Nakatulong rin sa pagsikat niya ng pagsuot niya ng T-back
sa nakaraang fashion show ng Bench underwear kung saan isa
siya sa mga pinagkaguluhan ng karamihan. Ngayon ay kaliwa’t-kanan
ang mga intriga sa kanya tungkol sa annulment niya at ang
relasyon niya raw kay Pia Pilapil at kay Ara Mina. Ayon sa
kanya ay walang katotohanan raw ang mga intrigang ipinupukol
sa kanya. Ang mahalaga raw sa kanya ngayon ay ang kanyang
trabaho.
Back to top
Page 1
2 3
|
