Mama-san brightens up a dim world

Light talk with Yolly Someya

Back to previous page

Masaya ka ba sa trabahong ito?

Kapag maganda ang pasok ng customer, masaya. May kita ka. Pero kapag hima, masakit sa ulo kasi magpapasuweldo ka. Malaki ang gastos sa isang buwan—electricity, gas, water, rent. Sa Viva Star, palagi kaming nakakaraos, umiikot ang pera. Dahil marami kaming bayarin, kasama na ang utang, ang sistema ay nagsasahod lang ako buwan-buwan. Inipon ko ang sinahod ko dito.

Nagbukas ulit kayo ng isa pang omise, Upstage, di ba?

Gusto kasi ng asawa kong magbukas ng isa pa, at ako rin naman. Naghanap kami ng puwesto. Nang makita ko ang kasalukuyang place ng Upstage (Tsuchiura City), na-in-love talaga ako. Ang problema na lang pera. May naipon ako, pero ayaw kong gamitin kasi baka kapag nangangailangan wala akong mahugot. Kaya nangutang kami sa ate ko. Ang nangyari, asawa ko ang nag-manage ng Viva Star, ako naman sa Upstage. Nang maghiwalay kami ng trabaho, doon talaga ako sinuwerte. Mas free and decision ko. Hindi naman sa hindi na siya nakikialam. Kapag may problema sa talent, pumapasok siya.

Hindi ba nagsipaglipatan ang mga customer mo dito?

Noong una lang. Pero mas maraming bagong customer.

Anu-ano ang karaniwang nagiging problema sa omise?

May mga talent na matitigas ang ulo, hindi sumusunod sa patakaran. Halimbawa’y nagde-date sila nang walang paalam o hindi sa tamang oras. Bawal mag-escape sa madaling araw. Proteksyon din nila dahil ayaw kong masira ang reputation dahil Pilipina rin ako. Ang payo ko sa kanila, kung sasama kayong lumabas doon na sa regular customer, hindi sa hindi namin kilala.

Paano ka pumipili ng babae? Anu-ano ang mga katangian ng babaeng mahalaga para sa omise?

Maganda sa paningin ko. Physical appearance. May class system ang babae pero kapag first-timer ay halos pareho lang ang suweldo.

Mas mabuti ba para sa iyo ang first-timer o ang repeater?

First-timer dahil mas madaling turuan at hindi malaki ang ulo. Mas masarap hawakan. Ang timer, bukod sa mataas ang sahod, sanay na sa trabaho, alam na rin kung paano manloko ng customer. Nawawala ang customer ng club kapag ang talent ay puro beterana. Ang timer lang na kinukuha ko ay alaga ko o nanggaling na talaga sa akin.

Maliban sa sahod, ano pa ang ibang source of income ng talent?

Ang regular na sahod ng first-timer ay $900. Maliban dito, may request-back o shimei. May points din sila—bawat customer, isang point. Nagkakabonus sila. May talent akong nakaka-60 o 70 points kaya tumatanggap siya ng kulang-kulang 20 lapad maliban sa sahod.

Mahina raw ang mga omise ngayon.

Mahirap kumuha ng babae ngayon. Kung dati 1 month lang ang releasing ng visa, ngayon 4 months mabilis na. Nagbukas nga ako ng isa pang omise pero isinara ko rin dahil walang babae. Mahigpit ang Immigration ngayon sa mga production, tsinitsek nila kung talagang nagbabayad ng tax para sa declared Japanese staff. Ang patakaran kasi 1 Japanese staff, 10 talents ang makukuha. Ang promotion ng asawa ko 7 ang staff, pero ang talent namin nasa 40 lang ngayon.

Anong strategy mo at hindi ka nagrereklamong hima?

Hindi ko alam, wala akong conscious plan o pakulo. Pero since June, nagpahinga ako sa omise dahil nagkaka-allergy ako dahil sa stress at kakulangan ng tulog. Unti-unting nawala ang customer, 40~50% down ang sales. Naging dark ang atmosphere. Nang umuwi na ang pamangkin kong pinahawak ko pansamantala, bumalik ako sa omise. Ngayon, balik na naman sa dati ang takbo ng negosyo. Hinahanap pa rin ako ng customer.

Kailangan ba may magandang mama-san para pasukin ng customer ang omise?

(Laughs.) Nasa management rin. Saka sa tingin ko, ang presence ko nagbibigay ng inspiration sa mga talents para sila naman ay magtrabaho nang mabuti. *

Back to top