Elizabeth Oropesa, ikinasal sa bf na 23-anyos

Elizabeth Oropesa

"Elizabeth Taylor of the Philippines" ang bagong titulo ni Elizabeth Oropesa dahil sa hilig nito sa mga lalaking mas bata sa kanya.

Pangalawang asawa na ni Elizabeth, 48, ang 23-anyos na si Joel Valdez na isang physical therapist. Ikinasal sila kamakailan sa Eastern Samar kung saan lumaki si Joel. Nagkakilala ang dalawa sa isang gym kung saan miyembro si Elizabeth at fitness instructor naman si Joel. Nahulog raw ang loob ni Elizabeth kay Joel dahil mahal raw nito ang anak nitong si Gabriel at sinusuyo pa nito ang ina ni Elizabeth.

Bago kay Joel ay na-link si Elizabeth kay Gardo Versoza at Danny Ramos. Ang unang asawa niya ay si Meng Fei na isang Chinese Martial arts na aktor.

Romano Vasquez, GRO

Romano Vasquez

Unang naging laman ng mga blind items ang balitang may isang aktor/singer na dating miyembro ng isang sikat na afternoon show na GRO na lang ngayon sa isang gaybar. Dahil ilang sikat na celebrities ang dumayo roon ay kumalat ang balita hanggang sa mapatunayan nga na totoo ito at nalamang si Romano Vasquez ang nasabing aktor. Hindi raw ikinahiya ni Romano ang trabaho dahil naranasan na raw nito ang iba't-ibang trabaho katulad ng pagiging construction worker at maging hosto sa Japan na walang ipinagkaiba raw sa pagiging GRO.

Samantala ay GRO rin daw ang apo ni Dolphy na si Miko Quizon na sinasabing anak raw ni Freddie Quizon. Papasok na rin daw ito sa showbiz sa pamamagitan ng pagpapaseksi. Ayaw namang maniwala ni Jeffrey Quizon na kamag-anak raw nila ito. Kung gusto raw nitong mag-showbiz ay sana nagpakilala raw ito sa kanila at natulungan daw nila.

Assunta, ikakasal na sa Dec. 14

Assunta de Rossi

Taliwas sa unang napabalita, hindi sa Nobyembre 4 ang civil wedding ni Assunta de Rossi kay Congressman Jules Ledesma kundi sa Disyembre 14 na. Ito ay sa dahilang hindi nakuha ni Assunta ang "certificate of eligibility" mula sa Italian embassy bago sila pumunta ng Negros para sa Todos Los Santos. Gaganapin ang kasal sa Executive House sa San Carlos City, Negros Occidental dahil gusto ni Jules na maganap ang seremonyas sa lugar kung saan siya inihalal sa kongreso. Limang mayor ng Negros (mula sa San Carlos, Calatrava, Toboso, Escalante at Don Salvador) ang mag-o-officiate sa kasal. Pagkatapos ng kasal ay tatlong buwan silang mag-ho-honeymoon habang nag-cru-cruise sila around the world.

Walong buwan pa lang ang relasyon nila pero handang-handa na raw si Assunta na maging ganap na Mrs. Ledesma. Simula 2003, bilang isang kabiyak ng isang Congressman, hindi na tatanggap si Assunta ng mga bold na pelikula. Huli na raw ang pag-bo-bold niya sa "Bahid" na ipinalabas kamakailan.

Back to top

Page 1 2 3